Psa 16:8-11 | CebAPD | STEP | Kanunay ko ikaw nga gihunahuna, Ginoo . Ug tungod kay anaa ka uban kanako dili gayod ako matarog.

Psalms 16:8-11

8 Kanunay ko ikaw nga gihunahuna, Ginoo.
Ug tungod kay anaa ka uban kanako dili gayod ako matarog.
9 Busa malipayon ako kaayo.
Ug magkinabuhi ako nga luwas sa katalagman,
10 kay dili mo ako pasagdan nga moadto sa dapit sa mga patay.
Dili mo tugotan nga madugta ^{▼▼madugta: o, moadto sa lubnganan.} ang imong matinud-anon nga alagad.
11 Ginatudloan mo ako kon unsaon pag-angkon ang maayong kinabuhi. ^{▼▼maayong kinabuhi: o, kinabuhi nga walay kataposan.}
Uban kanimo hingpit ang akong kalipay hangtod sa kahangtoran.